შეთქმულება პუტინის წინააღმდეგ - რუსული გამოცემა კორონავირუსის გამოჩენის სენსაციურ მიზეზზე ალაპარაკდა
კორონავირუსის ინფექციის გავრცელება აშშ-ის ჰიბრიდული ომის მანიფესტაციაა რუსეთის წინააღმდეგ. ეს განცხადება პრეზიდენტ ვლადიმერ პუტინის ყოფილმა მრჩეველმა, ეკონომისტმა სერგეი გლაზიევმა გააკეთა. ინფორმაციას ამის შესახებ რუსული გამოცემა ავრცელებს.
გლაზიევი არ გამორიცხავს, რომ COVID-19 დასავლეთის ბიოლოგიურ ლაბორატორიებში შეექმნათ. მისი აზრით, მხოლოდ შეერთებული შტატები, რომელსაც საიდუმლო ლაბორატორიების ქსელი მთელს მსოფლიოში აქვს, მათ შორის უკრაინაშიც, შეუძლია ამის გაკეთება.
სინამდვილეში, ამერიკელები ვირუსებს იყენებენ ჩვენს თანამემამულეებზე, ამბობს ყოფილი მრჩეველი.
ეკონომისტმა კოროვირუსული ეპიდემიის გავრცელებას უწოდა აშშ-ის ჰიბრიდული ომის გამოვლინება გეოპოლიტიკური ოპონენტების წინააღმდეგ. მისი თქმით, ამერიკელები, საერთაშორისო ვალდებულებების საწინააღმდეგოდ, განაგრძობენ ბიოლოგიურ იარაღის გამოყენებას.
მისი აზრით, იდეები მსოფლიოს მოსახლეობის შემცირების აუცილებლობის შესახებ პოპულარულია აშშ-ს ელიტაში. წინა ეპიდემიები - ებოლას ვირუსი, ღორის და ფრინველის გრიპი - იყო ექსპერიმენტები, თქვა გლაზიევმა.
COVID-19- ის გავრცელება მიმართულია მოსკოვისა და პეკინის წინააღმდეგ, თქვა ეკონომისტმა.
”რუსეთი ერთადერთი ქვეყანაა, რომელსაც აქვს სამხედრო პარიტეტი და რომელიც ვლადიმერ ვლადიმიროვიჩ პუტინის სრული კონტროლის ქვეშ არის. ეს იწვევს შიშს მსოფლიოში, ამიტომაც ეს ყველაფერი მიმართულია პუტინის წინააღმდეგ და ეს არის მიზეზი, რისთვისაც COVID-19 შეიქმნა”.- ამბობს რუსეთის პრეზიდენტის ყოფილი მრჩეველი.
შეგახსენებთ, რომ მსოფლიოში კორონავირუსით ინფიცირებულთა რაოდენობა სულ უფრო იზრდება. ჯანდაცვის საკითხების სახელმწიფო კომიტეტის საექსპერტო კომიტეტის ხელმძღვანელის თქმით, კორონავირუსული პანდემია შეიძლება შეწყდეს მიმდინარე წლის ზაფხულამდე. ამისათვის კი, მისი თქმით ყველა ქვეყანამ უნდა აღიაროს საფრთხის სერიოზულობა და მიიღოს აუცილებელი ზომები.
უცხოეთიდან თარგმნა: ტაისია ამაშუკელმა
მსგავსი სიახლეები
კომენტარი