იენს სტოლტენბერგი საქართველოში ჩამოვა
ჩრდილოატლანტიკური ალიანსის გენერალური მდივანი იენს სტოლტენბერგი უახლოეს მომავალში საქართველოს ეწვევა - ეს განცხადება იენს სტოლტენბერგმა დღეს პრესკონფერენციაზე გააკეთა.
სტოლტენბერგის თქმით, ჩრდილოატლანტიკური ალიანსი საქართველოს აკვირდება, ყურადღებას აქცევენ იმ რეფორმებს, რომელსაც ქვეყანა ატარებს.
საქართველო NATO-ს ღირებული პარტნიორია. ჩვენ ღრმად გვჯერა, საქართველოს, ისევე როგორც ყველა ევროპულ ქვეყანას, აქვს უფლება, აირჩიოს საკუთარი გზა. საქართველოში რამდენჯერმე ვყოფილვარ, ჩვენი პარტნიორობის სამომავლო გაძლიერებისთვის ქვეყანას უახლოეს მომავალში ისევ ვეწვევი. ჩემი გზავნილი საქართველოსადმი არის რეფორმები, რაც, რა თქმა უნდა, მნიშვნელოვანია. NATO დაფუძნებულია ღირებულებებზე – დემოკრატია, კანონის უზენაესობა - და მნიშვნელოვანია, რომ საქართველო ევროატლანტიკური ინტეგრაციის გზაზე შეესაბამებოდეს ამ სტანდარტებს", – განაცხადა იენს სტოლტენბერგმა.
მსგავსი სიახლეები
კომენტარი