ხილის ტორტი

მასალა:

კვერცხი - 10 ცალი

შაქრის ფხვნილი - 6 ჩაის ჭიქა

არაჟანი - 400 გრამი

კარაქი - 400 გრამი

ფქვილი - 4-5 ჩაის ჭიქა

ვაშლი - 2 კილოგრამი

სოდა - 1 ჩაის კოვზი

ძმარი - 1 სუფრის კოვზი

დარიჩინი - გემოვნებით

მასალა ვაშლის პიურესათვის:

ვაშლი - 1 კილოგრამი

შაქრის ფხვნილი - 2 ჩაის ჭიქა

დარიჩინი - გემოვნებით

ათი კვერცხის გული კარგად გავთქვიფოთ ორ ჩაის ჭიქა შაქრის ფხვნილთან ერთად, დავუმატოთ 400 გრამი დარბილებული კარაქი, ორი ქილა არაჟანი (400 გრამი), სოდა - გახსნილი ძმარში, ფქვილი, რამდენსაც შეიზელს (4-5 ჩაის ჭიქა), რომ გამოვიდეს ნაზი ცომი.

გამოვაცხოთ ოთხი ფირფიტა, მათ შორის ერთი პატარა - დასაფხვნელად და ზემოდან მოსაყრელად; წავუსვათ ვაშლის პიურე და ფირფიტები ერთმანეთზე დავალაგოთ; მესამე ფირფიტაზე წასმულ ვაშლის პიურეს მოვაყაროთ დაფხვნილი ფირფიტა.

ვაშლის პიურე მოვამზადოთ შემდეგნაირად: ავიღოთ 2 კილოგრამი ვაშლი (უკეთესია "ანტონოვკას" ჯიშის), გავფცქვნათ, დავჭრათ ნაჭრებად, დავასხათ ნახევარი ჭიქა წყალი და დავდგათ ცეცხლზე, სანამ კარგად ჩაითუთქება; დავამატოთ 3-4 ჭიქა შაქრის ფხვნილი და წამოვადუღოთ რამოდენიმე წუთი. შეიძლება არომატისათვის ჩავამატოთ დარიჩინი.

კომენტარი