მაშველები ტურისტების დასახმარებლად თეთნულდისკენ ფეხით მიემართებიან, მობილიზებულია ვერტმფრენი - საგანგებო
შსს-ს საგანგებო სიტუაციების მართვის სამსახური მწვერვალ თეთნულდზე მყოფ ტურისტების ჯგუფთან დაკავშირებით განცხადებას ავრცელებს.
უწყების ინფორმაციით, ამ დროისთვის მწვერვალ თეთნულდისკენ მაშველთა ჯგუფი ფეხით მიემართება.
მათივე ცნობით, სამაშველო ღონისძიებაში სასაზღვრო პოლიციის ვერტმფრენი მიიღებს მონაწილეობას.
"საგანგებო სიტუაციების მართვის სამსახურში საერთაშორისო დაკვირვებისა და ძებნის ცენტრიდან შემოვიდა SOS შეტყობინება, რომ მწვერვალ თეთნულდზე უცხოელ ტურისტთა ჯგუფს ესაჭიროება მაშველთა დახმარება.
საგანგებო სიტუაციების მართვის სამსახურმა ოპერატიულად მოახდინა ძალების მობილიზება. დადგინდა ლოკაცია და რთული გეოგრაფიული მდებარეობის გამო მობილიზებულია ასევე სასაზღვრო პოლიციის ვერტმფრენი, რომელიც ქუთაისის აეროდრომიდან სამაშველო ღონისძიებაში მიიღებს მონაწილეობას", - ნათქვამია შსს-ს განცხადებაში.
მსგავსი სიახლეები
კომენტარი