“ქართული ოცნების” დამფუძნებლის, ბიძინა ივანიშვილის შვილს ბერა ივანიშვილს 2012 წლის არჩევნებამდე სოციალურ ქსელში შეურაცხმყოფელი სიტყვებით თავს ესხმოდნენ და მისი სოციალური ქსელის გატეხვას ცდილობდნენ”, – ეს განცხადება “ქრონიკასთან” ნეიკო სარაჯიშვილმა გააკეთა, რომელიც ბერა ივანიშვილის ფან-კლუბის წევრია.

როგორც სარაჯიშვილი ამბობს, შეტევა პირადად მასზეც არაერთხელ განხორციელდა.

ნეიკო სარაჯიშვილი ერთადერთი არ არის, რომელიც ივანიშვილის შევიწროების შესახებ საუბრობს.

მარკეტინგისა და და სოციალური მედიის ხელმძღვანელი ეკაურეკაძე, რომელიც რამდენიმე წლის წინივანიშვილის ოფიციალური გვერდის ადმინისტრატორი იყო, “ქრონიკასთან” ამბობს, რომ ბერას სოციალური ქსელიც გაუტეხეს და მის “ფეისბუქ” გვერდზე წინა ხელისუფლების მხარდამჭერი ვიდეოები განათავსეს.

2012 წლის არჩევნებამდე რამდენიმე დღით ადრე ბერას ოფიციალური ფეისბუქ-გვერდი გატეხეს და მაშინდელი ხელისუფლების მხარდამჭერი ვიდეოები განათავსეს.

„ის ინფორმაცია, რაც წინასაარჩევნო პერიოდში მის ოფიციალურ გვერდზე იდებოდა, აბსოლუტურად ყველაფერი წაშლილი იყო. სათითაოდ, ყველა იქ მყოფ ადამიანს მოგვივიდა შეტყობინება, საკუთარი ფეისბუქგვერდის გატეხვასთან დაკავშირებით. ამის შემდეგ ბერას ოფიციალურ გვერდზე იმ დროინდელი ხელისუფლების მხარდამჭერი ვიდეოები განათავსეს, რომელიც იმდროინდელ პარტიასა და პრეზიდენტს ეხებოდა“, – განაცხადა ურეკაძემ.

„ამ ფეისბუქგვერდზე მე ბერას გულშემატკივრებს ნაციონალების შეურაცხყოფისგან ვიცავდი, რომლებიც შემოდიოდნენ და ბილწსიტყვაობდნენ. რაც ბატონი ბიძინა პოლიტიკაში მოვიდა, ბერას ბულინგი მას შემდეგ დაიწყეს, რომელიც ხალხის ნამდვილი რეაქცია არ იყო, ისინი პარტიულ დავალებას ასრულებდნენ. ბერა ყოველთვის თავის გულშემატკივრებზე დარდობდა“, – აცხადებს “ქრონიკასთან” მაღიაშვილი.