სარეკლამო ადგილი - 1
720 x 85

გაერო-ს უშიშროების საბჭომ ბარსელონაში მომხდარი ტერაქტი დაგმო

გაერო-ს უშიშროების საბჭომ, გუშინ ბარსელონაში მომხდარი ტერაქტი დაგმო. უშიშროების საბჭოს მიერ მიღებულ განცხადებაში ნათქვამია, რომ განხორციელებული თავდასხმა „ბარბაროსული და ამაზრზენია“.

გაერო-ს უშიშროების საბჭოს წევრებმა აღნიშნეს, რომ „ტერორიზმი საერთაშორისო მშვიდობისა და უსაფრთხოებისთვის ერთ-ერთ ყველაზე სერიოზულ საფრთხეს წარმოადგენს და ტერორიზმთან ბრძოლის აქტივიზირება უნდა მოხდეს“.

„სოლიდარობას ვუცხადებთ ესპანეთს ტერორიზმთან ბრძოლაში და აღვნიშნავთ, რომ საჭიროა ტერორიზმთან და ძალადობრივ ექსტრემიზმთან ბრძოლაში საერთაშორისო ძალისხმევის გააქტიურება“, - ნათქვამია გაერო-ს უშიშროების საბჭოს განცხადებაში.

ბარსელონაში, რამბლას მოედანზე ფეხით მოსიარულეთა გზის სავალ ნაწილზე გუშინ ავტომობილი შევარდა. მომხდარის შედეგად, ამ დროის მონაცემებით, 13 ადამიანი დაიღუპა, 100-მდე კი დაშავდა.

აღნიშნულ ტერაქტზე პასუხისმგებლობა ტერორისტულმა დაჯგუფებამ „ისლამური სახელმწიფო“ აიღო.

კომენტარი

სარეკლამო ადგილი - 101
100 x 100