სარეკლამო ადგილი - 1
720 x 85

სოლიდარობის აქციის მონაწილე ჟურნალისტები ამ წუთებში პატრიარქს ხვდებიან

ჯაშუშობის ბრალდებით დაკავებული ფოტორეპორტიორებისადმი სოლიდარობის ნიშნად საპატრიარქოსთან შეკრებილი ჟურნალისტები სრულიად საქართველოს კათლიკოს-პატრიაქრს, მცხეთა-თბილისის მთავარეპისკოპოსს, ბიჭვინთისა და ცხუმ-აფხაზეთის მიტროპოლიტს, უწმინდესსა და უნეტარეს ილია მეორეს ხვდებიან.

შეხვედრა ამ წუთებში იწყება.

საპატრიარქოში შესვლამდე აქციის მონაწილეები სანთლებით ხელში პატრიარქს თხოვნით მიმართავდნენ, დაკავებული ფოტორეპორტიორებისთვის თავდებით გათავისუფლებაში ეშუამდგომლა.

როგორც ცნობილია, ერთ-ერთმა დაკავებულმა ფოტორეპორტიორმა გიორგი აბდალაძემ პატრიარქს თხოვნით მიმართა, მისი და მისი კოლეგების თავდებით გათავისუფლების საქმეში შუამდგომლობა გაეწია.

სწორედ აბდალაძის ეს თხოვნა გააჟღერეს აქციის მონაწილეებმა საპატრიარქოსთან.

კომენტარი

სარეკლამო ადგილი - 101
100 x 100