ვინ იბრძოლებს საზოგადოებრივი მაუწყებლის გენდირექტორობისთვის?
საზოგადოებრივი მაუწყებლის გენერალური დირექტორობისთვის 5 კანდიდატი იბრძოლებს. მაუწყებლის სამეურვეო საბჭოს სხდომაზე ფარული კენჭისყრის შედეგად მეორე ტურში ის კონკურსანტები გადავიდნენ, რომლებმაც საბჭოს 12 წევრისგან 7 და მეტი ხმა მიიღეს.
143 კანდიდატიდან შემდეგ ეტაპზე გიორგი ბარათაშვილი, თინათინ რუხაძე, ნათია აბრამია, მეგი თავდუმაძე და ნიკოლოზ მახარაშვილი გავიდნენ.
5-ვე კანდიდატი მეორე ტურში გასაუბრებას გაივლის. მაუწყებლის გენერალურ დირექტორობაზე კონკურსი გიორგი ჭანტურიას გადადგომის შემდეგ, 14 დეკემბერს გამოცხადდა.
კანონის შესაბამისად, საზოგადოებრივი მაუწყებლის ახალი ხელმძღვანელი ერთი თვის ვადაში უნდა დამტკიცდეს.
მსგავსი სიახლეები
კომენტარი