სარეკლამო ადგილი - 1
720 x 85

ცესკოს 12:00 საათის მონაცემებით „ბიძინა ივანიშვილი - ქართული ოცნება“ ლიდერობს

ცენტრალური საარჩევნო კომისიის მიერ 12:00 საათისთვის გავრცელებული მონაცემების მიხედვით, 1-ელ ოქტომბერს ჩატარებულ საპარლამენტო არჩევნებში 53.02 %-ით საარჩევნო ბლოკი „ბიძინა ივანიშვილი - ქართული ოცნება“ ლიდერობს.

მეორე ადგილზეა „ერთიანი ნაციონალური მოძრაობა – მეტი სარგებელი ხალხს“, რომელსაც ამომრჩეველთა 41.75 %-მა დაუჭირა მხარი.

დანარჩენი პარტიების პროცენტული მაჩვენებელი კი ასეთია: „გიორგი თარგამაძე - ქრისტიან-დემოკრატიული მოძრაობა“ – 2.27%, „ახალი მემარჯვენეები“ – 0,52 %, „შალვა ნათელაშვილი – საქართველოს ლეიბორისტული პარტია“ – 1,32 %.

ასევე ცნობილი გახდა ცესკოს პირველადი მონაცემები ხობში პარტიების მიხედვით. არსებული შედეგებით: „ბიძინა ივანიშვილი - ქართული ოცნება“ 49.81%-ით ლიდერობს, „ერთიანი ნაციონალური მოძრაობა – მეტი სარგებელი ხალხს“ -45.12% აქვს, „გიორგი თარგამაძე - ქრისტიან-დემოკრატიული მოძრაობას“ კი, 2.71% აქვს.

გამოქვეყნდა ხელვაჩაურში არჩევნების პირველადი შედეგებიც. პარტიების მიხედვით „ბიძინა ივანიშვილი - ქართული ოცნება“ 60.13%-ით ლიდერობს, „ერთიანი ნაციონალური მოძრაობა – მეტი სარგებელი ხალხს“ 34.57% აქვს, „გიორგი თარგამაძე - ქრისტიან-დემოკრატიული მოძრაობას“ კი, 3.07%.

რაც შეეხება მაჟორიტარების მიერ მიღებულ ხმების რაოდენობას ოლქების მიხედვით, შედეგები ასე გამოიყურება:

თეიმურაზ დუმბაძე - „ერთიანი ნაციონალური მოძრაობა –მეტი სარგებელი ხალხს“- 35.64%,

როსტომ ხალვაში- „ბიძინა ივანიშვილი - ქართული ოცნება“- 57.91%,

შუქრი თურმანიძე- „გიორგი თარგამაძე - ქრისტიან-დემოკრატიული მოძრაობა“ – 4.18%.

ცესკოს მონაცემებით, დათვლილია 908 უბნის შედეგები, რაც ამომრჩეველთა საერთო რაოდენობის 24.22 პროცენტია.

კომენტარი

სარეკლამო ადგილი - 101
100 x 100