ავტოსაგზაო შემთხვევა ბათუმში - ცენტრალურ მაგისტრალზე ერთმანეთს სამი მანქანა შეეჯახა

ავტოსაგზაო შემთხვევა მოხდა ბათუმის ცენტრალურ მაგისტრალზე - ერთმანეთს სამი ავტომობილი შეეჯახა.

შემთხვევის შედეგად არავინ დაშავებულა. ერთ-ერთი თვითმხილველის თქმით, ფორდის მარკის ავტომობილის მძღოლი საჭეს არაფხიზელ მდგომარეობაში მართავდა. გავრცელებული ინფორმაციით, ის აზერბაიჯანის საკონსულოს თანამშრომელია, ამიტომ ავარიის შემდეგ სამართალდამცველებმა ნარკოლოგიურ შემოწმებაზე არ გადაიყვანეს. აღნიშნულ ინფორმაციას უარყოფენ შსს-ში და აცხადებენ, რომ შემოწმება ჩატარდა და არც ერთი ავტომობილის მძღოლს ალკოჰოლური ზემოქმედება არ დაუდგინდა.

ამ დროისთვის ბათუმის ცენტრალურ მაგისტრალზე საავტომობილო მოძრაობა ერთსაათიანი პარალიზების შემდეგ აღდგა.

კომენტარი