თურქმა მესაზღვრეებმა ჩემოდანში დამალული ქართველი ქალი დააკავეს

თურქეთ-საქართველოს საზღვარზე პოლიციამ ორი ქართველი მას შემდეგ დააკავა, რაც ქალი თურქეთში შესვლას ჩემოდანში დამალული ცდილობდა.

ინფორმაციას ამის შესახებ თურქული გამოცემა Daily Sabah-ი ავრცელებს.

პოლიციამ საეჭვოდ მიიჩნია ჩემოდნით მოძრავი მამაკაცი. სამართალდამცავებმა მას ბარგის გახსნა მოსთხოვეს, ჩემოდანში კი ქალი აღმოჩნდა.

თურქმა სამართალდამცველებმა დაადგინეს, რომ 28 წლის ქალი თურქეთიდან დეპორტირებული იყო.

გამოცემის ცნობით, სარფის საბაჟო-გამშვებ პუნქტზე მსგავსი შემთხვევა სამი დღის წინაც მოხდა, როდესაც თურქეთში უკანონოდ შესვლას ჩემოდანში დამალული კიდევ ერთი ადამიანი ცდილობდა.


კომენტარი