თბილისში, საბავშვო ბაღში მშობელი იარაღით მივიდა და შვილს მოუწოდებდა, რომელი ბავშვიც არ მოსწონდა, ესროლა
დიდ დიღომში, მე-3
მიკრორაიონში, N 213 საბავშვო ბაღში
საპატრულო პოლიცია
მუშაობს. არსებული
ინფორმაციით, აღნიშნულ
ბაღში ერთ-ერთი ბავშვის
მშობელმა შვილს
იარაღი მისცა
და მოუწოდებდა,
რომელი ბავშვიც
არ მოსწონდა,
მისთვის ესროლა.
სავარაუდოდ, პოლიციის
მუშაობა სწორედ
აღნიშნულ შემთხვევას
უკავშირდება.
როგორც ერთ-ერთმა
მშობელმა,
სალომე კაკაჩიამ აღნიშნა, მას აქვს ინფორმაცია, რომ საბავშვო ბაღის ერთ-ერთ ჯგუფში მამა ნასვამ მდგომარეობაში მივიდა, მან ცეცხლსასროლი იარაღი შვილს მისცა და უთხრა, რომ ვინც აბრაზებდა, ესროლა.
საპატრულო
პოლიციის თანამშრომლები აღნიშნულ ინციდენტს არც უარყოფენ და არც ადასტურებენ. 213-ე საბავშვო ბაღის დირექტორი ვერ აკონკრეტებს, ჰქონდა თუ არა ბაღში ერთ-ერთი ბავშვის მშობელს ნამდვილი იარაღი.
დირექტორის
ინფორმაციით,
შემთხვევა
გუშინ, დაახლოებით
17:00 საათზე
მოხდა, რა დროსაც ერთ-ერთი ბავშვის მამა საბავშვო ბაღში იარაღით მივიდა.
"ჯერჯერობით
უცნობია, ნამდვილი იყო თუ არა ეს იარაღი. მამაკაცი მეუღლესთან ერთად იმყოფებოდა, რა დროსაც იარაღი ამოიღო", -
განაცხადა
ნანა ბედელაშვილმა.
მსგავსი სიახლეები
კომენტარი