როგორი იქნება 2014 წელი თითოეული ზოდიაქოსათვის

2014 წელი, აღმოსავლური კალენდრის მიხედვით ლურჯი ხის ცხენის წელია. ცხენი თავისი არსით და ხასიათით მოხერხებული, გამჭრიახი და კომუნიკაბელური არსებაა, ამიტომ 2014 წელს განსაკუთრებულად გაუმართლებთ ადამიანებს, რომლებიც ხასიათის ზუსტად ამ თვისებებით არიან დაჯილდოებულნი. წელიწადი პოზიტიურია სასწორის, მშვილდოსნის, ვერძის, ქალწულის ზოდიაქოს ნიშნით დაბადებულთათვის. შედარებით რთულია ლომების, ტყუპისა და კუროებისთვის. უფრო დაწვრილებით კი სტატიაში წაიკითხავთ თქვენი ნიშნის შესახებ...

ვერძი – ცხენის წელი ვერძებისთვის საკმაოდ პოზიტიური იქნება. თუმცა მათ უმრავლესობას მაქსიმალური წარმატების მისაღწევად მოეთხოვება უფრო ეკონომიური და წინდახედული დამოკიდებულება გამოიჩინოს ფინანსების მიმართ. განსაკუთრებით ეხება ეს წლის პირველი ნახევრის პერიოდს. სამაგიეროდ, თუკი ვერძები ცხენის წლის დასაწყისს გონივრული შენაძენებით აღნიშნავენ, სამომავლოდ გაცილებით უფრო მსხვილბიუჯეტიანი და მომგებიანი პროექტების განსახორციელებლადაც მიეცემათ შანსი.

კურო ცხენის წელი კუროებს რეალური ცხოვრებისეული ფასეულობების დანახვა-დაფასებაში დაეხმარება. ამ ადამიანების დიდი ნაწილი, სწორედ ამ წელს დააფასებს დროს და ნამდვილ ურთიერთობებს. ამასთან ერთად, ზუსტად ამგვარი ტრანსფორმაციის ფონზე შეძლებს ბევრი კურო, ძალზე დიდი ნახტომი გააკეთოს მომავლისკენ და, რა თქმა უნდა, უკეთესობის მიმართულებით.

ტყუპი – ცხენის წელი ტყუპის უმრავლესობას ერთობ რთული გადაწყვეტილების მიღების წინაშე დააყენებს. მათ საბოლოოდ უნდა გადაწყვიტონ საკუთარ თავში, ის თუ ვის გვერდით სურთ ყოფნა. თანაც, ეს საკითხი ერთნაირად შეეხება როგორც დაუოჯახებელ, ისე უკვე ქორწინებაში მყოფ ტყუპებს. წლის პირველი დეკადა კარგია ამ ხალხმა პროფესიული რეალიზაციის კუთხით გამოიყენოს. თუმცა, პროფესიონალიზმის დასახვეწადაც მოუხდება ზოდიაქოს ამ ნიშნის ბევრ წარმომადგენელს ოფლის ღვრა და ხეტიალისადმი სიყვარულის შეზღუდვა.

კირჩხიბი – ცხენის წელში, კირჩხიბების უმეტესობას დაუძლეველი სურვილი გაუჩნდება ერთბაშად და სწრაფად იშოვნოს დიდი ფული. საამისოდ ზოდიაქოს ამ ნიშნის წარმომადგელები სხვადასხვა სახის სარისკო მაქინაციებზეც არ დაიხევენ უკან, რაც ზოგადად კირჩხიბს ნაკლებად ახასიათებს. თუმცაღა ასტროლოგები მათ ამ ქმედებისგან თავის შეკავებას ურჩევენ. 2014 ის წელია, როცა კირჩხიბს გეგამაზომიერი ფინანსური ოპერაციების ჩატარება ან ალტერნატიული შემოსავლის წყაროს მონახვა მოეთხოვება, რომელიც სამომავლოდ მათ სოლიდურ დივიდენდებს მისცემს.

ლომი- ლომებისთვის 2014 წელი განვლილი წლების შესაჯამებლად საუკეთესო წელი იქნება. ეს ის პერიოდია, როცა ზოდიაქოს ამ ნიშნის წარმომადგენლებს საშუალება ეძლევათ, გადახედონ მიმდინარე წლების წარმატებათა და წარუმატებლობათა ნუსხას. გაანალიზონ საკუთარი შეცდომები და სამომავლოდ სრულიად განსხვავებული სტრატეგია დაგეგმონ მიზნების მისაღწევად. პირად ცხოვრებაში განსაკუთრებულად მნიშვნელოვანი მოვლენებით იქნება დატვირთული მაისი და სექტემბერი.

ქალწული – ცხენის წელი ქალწულებისთვის ძალზე პოზიტიური ძვრებით ხასიათდება, როგორც კარიერულ სარბიელზე, ისე პირადი ცხოვრების კუთხით. ეს სწორედ ის წელია, როცა ბევრი ქალწული მოახერხებს საკუთარი პრეტენზიის შესაბამისი მეორე ნახევარი იპოვნოს ბოლოს და ბოლოს. გარდა ამისა, ქალწულების დიდ ნაწილს პროფესიულ სარბიელზეც მიეცემა წინსვლის შანსი.

სასწორი – სასწორების უმრავლესობას ცხენის წელი მისცემს შანსს, საკუთარი დადებითი თვისებები და პიროვნული ღირსება მთელი სისავსით წარმოაჩინოს. თუმცა, საამისოდ სასწორს სამომავლო ქმედებების ზუსტად დაგეგმვა-გაანალიზება მოეთხოვება. სამაგიეროდ, სწორი მანევრირების შემთხვევაში, ზოდიაქოს ამ ნიშნის წარმომადგენლებს საშუალება ექნებათ შეიძინონ გავლენიანი და ძლიერი მფარველ-მოკავშირეები, რომელთა დახმარებითაც წარმატების მიღწევა გაცილებით უფრო გაიოლდება.

მორიელი – მორიელთა უმრავლესობას ცხენის წელი, რაციონალურ მიდგომას ავალდებულებს ნებისმიერი ცხოვრებისეული გადაწყვეტილების მიღებისას. ეს ის წელია, როცა ძვირფასმა მორიელებმა მათთვის ესოდენ დამახასიათებელი რადიკალიზმი, გვერდზე უნდა გადადონ და გზა ცივ გონებას დაუთმონ. აქედან გამომდინარე, იქნება თუ არა ცხენის წელი წარმატებული ეს თავად მორიელზეა დამოკიდებული. თუკი იგი მაქსიმალურ წინდახედულებას, შრომისუნარიანობასა და მოთმინებას გამოიჩენს შედეგი მოსალოდნელზე უფრო უკეთესი აღმოჩნდება საბოლოოდ.

მშვილდოსანი – ზოდიაქოს ამ ნიშნით დაბადებულ ადამიანებს ცხენის წელში მოუწევთ დისციპლინასა და საყოველთაო წესრიგს აუწყონ ფეხი, რაც მშვილდოსნების უმეტესობისთვის ძალზე რთულად შესასრულებელი რამაა. სამაგიეროდ, ისეთ მშვილდოსნებს, ვინც შეძლებს გეგმის მიხედვით იმოქმედოს პროფესიულ სარბიელზე ფორტუნა საკმაოდ ფართოდ და გულუხვად გაუღიმებს.

თხის რქა – თხის რქების უმრავლესობას ცხენის წელი კომუნიკაციის სფეროს გააქტიურებას და ბევრ საინტერესო, ახალ ნაცნობობას ჰპირდება. ეს ის წელია, როცა თხის რქა იძულებული ხდება მისთვის ჩვეული იზოლაციისკენ მიდრეკილება და დისტანციურობა დაივიწყოს, საიმისოდ, რომ პროფესიულ სარბიელზე გაჩენილი შანსები არ გაუსხლტეს ხელიდან. თუკი იგი მაქსიმალურად კომუნიკაბელური, ღიმილიანი და დიპლომატიური იქნება საკმაოდ სოლიდური თანხით შეავსებს საკუთარ ბიუჯეტს მომატებული ხელფასის ან კარგი სპოსნორის მოძიების სახით.

მერწყული – ცხენის წელში ბუნებით მოუსვენარი მერწყულების უმეტესობას დაუძლეველი სურვილი გაუჩნდება ჰარმონია და სიმშვიდე სუფევდეს მის გარშემო. ზოდიაქოს ამ ნიშნის წარმომადგენლები სერიოზულად დაიწყებენ ფიქრს რეალურ, ცხოვრებისეულ ფასეულობებზე. ამიტომ განსაკუთრებული წარმატებით ცხენის წელი მერწყულის ზოდიაქოს ხელოვან, ფსიქოლოგ და სამწერლო სარბიელზე მოღვაწე წარმომადგენლებს დააჯილდოებს.

თევზები – ცხენის წელში თევზების დიდი ნაწილი მოწყენილობისგან თავის დასაღწევი საშუალებების აქტიურ ძიებაში იქნება. იმ შემთხვევაშიც კი თუ თქვენ არსებული საქმიანობა და სამსახური გაკმაყოფილებთ, შესაძლოა გაგიჩნდეთ ძლიერი სწრაფვა სხვადასხვა სახის ჰობის გაჩენისკენ. მაგალითად, დაინტერესდეთ იოგით, მოისურვოთ ლათინურ-ამერიკული ცეკვების სწავლა ან უბრალოდ კულინარიაში მოსინჯოთ ძალები ახლებურად, საკუთარი ოჯახის წევრების გაოცების მიზნით. ძვირფასო თევზებო, ნუ შეგშინებათ ექსპერიმენტები. ეს ის წელია, როცა თქვენი ნებისმიერი წამოწყება გაამართლებს.

კომენტარი