ბიძინა ივანიშვილის ქონება 1,1 მილიარდი დოლარით შემცირდა
ჟურნალ
"ფორბსის" მონაცემებით,
საქართველოს პრემიერ-მინისტრ ბიძინა
ივანიშვილის ქონება
გასულ წელთან
შედარებით 1,1 მილიარდი
დოლარით შემცირდა.
გამოცემამ თავის
ოფიციალურ ვებგვერდზე
პლანეტის უმდიდრესი
ადამიანების რეიტინგი
გამოაქვეყნა, რომელშიც
ბიძინა ივანიშვილი
229-ე ადგილს იკავებს. გამოცემის
ცნობით, საქართველოს
პრემიერის ქონება
5,3 მილიარდ დოლარს
შეადგენს, რაც
1,1 მილიარდი დოლარით
ნაკლებია გასული
წლის მონაცემებთან
შედარებით. 2012 წელს
გამოქვეყნებული "ფორბსის" რეიტინგის
თანახმად, საქართველოს
პრემიერის ქონება
6,4 მილიარდ დოლარს
შეადგენდა.
”ბიძინა
ივანიშვილი
2012 წლის
ოქტომბერში
გახდა საქართველოს პრემიერ-მინისტრი მას შემდეგ, რაც მისმა კოალიცია ~ქართულმა ოცნებამ~ არჩევნებში გამარჯვება მოიპოვა. საქართველოს უმდიდრესმა ადამიანმა პოლიტიკაში წასვლა მანამდე, ერთი წლით ადრე გადაწყვიტა და რამდენიმე თვეში რუსეთში არსებული თავისი ბიზნესი 1,3 მილიარდ დოლარად გაყიდა. მაღაროელისა და დიასახლისის ხუთშვილიან ოჯახში დაბადებული ივანიშვილი და-ძმებს შორის უმცროსია",
- აღნიშნავს
"ფორბსი".
გამოცემის
ინფორმაციით,
1984 წელს
ივანიშვილი
მოსკოვში გადავიდა საცხოვრებლად, სადაც ეკონომიკის მეცნიერებათა დოქტორის წოდება მიიღო. "ფორბსი" წერს, რომ რუსეთში პრივატიზაციის ეპოქის პერიოდში, ივანიშვილი და მისი პარტნიორი ვიტალი მალკინი ლითონებისა და ძვირფასი მეტალების შეძენით დაკავდნენ. მათ ასევე ერთად დააფუძნეს `როსიისკი კრედიტ ბანკი~ და უძრავი ქონების პროექტებში დაიწყეს ინვესტიციების განხორციელება. გამოცემა წერს, რომ 2003 წელს ივანიშვილი საქართველოში გადაბარგდა, ამ წლების განმავლობაში მან გაყიდა თავისი ბიზნესები და ოქროს ბიზნესში, რუსულ, ამერიკულ აქციებსა და ხელოვნების ნიმუშებში ახდენს რეინვესტირებას.
"ივანიშვილს
მილიარდი დოლარის ღირებულების ხელოვნების ნიმუშების კოლექცია აქვს, მათ შორის პაბლო პიკასოს "დორა მაარი კატასთან ერთად", რომლის სანაცვლოდ მან 2006 წელს "სოთბის" აუქციონზე 95 მილიონი დოლარი გადაიხადა",
- წერს ”ფორბსი”.
რაც შეეხება მსოფლიოში ყველაზე მდიდარ ადამიანს – რეიტინგს კვლავ მექსიკელი კარლოს სლიმი ლიდერობს, რომლის ქონება 73 მილიარდ დოლარს შეადგენს; მეორე ადგილს 67 მიალიარდი დოლარით ამერიკელი ბილ გეითსი იკავებს; მესამე ადგილზე პირველად აღმოჩნდა ესპანური ბრენდის "ზარას" ქსელის დამფუძნებელი ამანსიო ორტეგა – 57 მილიარდით. მეოთხე ადგილი ერგო ცნობილ ქველმოქმედს უორენ ბაფეტს – 53,5 მილიარდი დოლარი.
მსგავსი სიახლეები
კომენტარი