თბილისში შატბერაშვილის ქუჩაზე ავტომობილს, რომელშიც, სავარაუდოდ, სამი ადამიანი იმყოფებოდა, ცეცხლი გაუხსნეს. არსებული ინფორმაციით, ავტომობილში მსხდომთაგან ერთ-ერთი საქართველოს „ინტერპოლის" ბიუროს წარმომადგენელი იყო, რომელიც სროლის შედეგად დაიჭრა და ამ დროისათვის, სამედიცინო დაწესებულებაშია გადაყვანილი. მისი ჯანმრთელობის მდგომარეობის შესახებ ინფორმაცია არ ვრცელდება. პროკურატურის უწყებას კომენტარი ამ დრომდე არ გაუკეთებია.