დრონი.ჯი
2012-08-09 14:31:06
დღეს ბაღდადის ერთ-ერთ გარეუბანში მომხდარმა ტერაქტმა მინიმუმ 11 ადამიანის სიცოცხლე შეიწირა, 40 ადამიანი კი სერიოზულად დაშავდა.
აფეთქება შიიტებით დასახლებულ პროვინციაში, ალ-ტანმიაში, ბაღდადის სამხრეთით მოხდა. დანაღმული ავტომობილი ცენტრალურ მოედანზე მაშინ აფეთქდა, როცა ადამიანები რამადანის დასრულების აღსანიშნავად შეიკრიბნენ.
შეგახსენებთ, რომ გუშინ, 8 აგვისტოს, ბაღდადის ჩრდილოეთით მდებარე ერთ-ერთ ქალაქაში, უცხო პირებმა ცეცხლსასასროლი იარაღით ადგილობრივი იურისტი, მისი ცოლი, ხუთი შვილი და ერთი ნათესავი, სულ რვა ადამიანი დახოცეს.
ივლისის მიწურულს კი ერაყში მომხდარი ტერაქტების სერიას 82 ადამიანის სიცოცხლე ემსხვერპლა.