რუსთაველის თეატრში კონფერენცია "მიხეილ თუმანიშვილი - თეატრის თეორეტიკოსი" ჩატარდება
დიდი ქართველი რეჟისორის მიხეილ თუმანიშვილის დაბადებიდან 90 წლის საიუბილეო თარიღის აღსანიშნავად რუსთაველის თეატრის ხელმძღვანელობის თაოსნობით, 20 ივნისს, 12:00 სთ-ზე რუსთაველის თეატრის ექსპერიმენტულ დარბაზში სამეცნიერო კონფერენცია "მიხეილ თუმანიშვილი - თეატრის თეორეტიკოსი" ჩატარდება.
სამეცნიერო კონფერენცია თუმანიშვილის მემკვიდრეობის თეორიული მოსაზრებების სპეციფიური შესწავლისათვის პირველი მცდელობაა.
"რეჟისორის თეორიული განსჯანი, ისევე, როგორც სასცენო ნიმუშები, შესაძლებელია, მსოფლიოს რეჟისორ-ლიდერთა ხელოვნებისა და თეორიულ განსჯათა კონტექსტით განვიხილოთ. მისი მემკვიდრეობა საგანგებო შესწავლას ითხოვს. ინტერდისციპლინარული კვლევა მიხეილ თუმანიშვილის მემკვიდრეობის უფრო თანამიმდევრულ და სფეციფიურ კვლევას მისცემს დასაბამს" - აცხადებენ კონფერენციის ორგანიზატორები.
კონფერენციაში რეჟისორები რობერტ სტურუა, გიორგი ქავთარაძე, თეატრმცოდნეები ნათელა არველაძე, ლელა წიფურია, ხელოვნებათმცოდნე ელენე თუმანიშვილი, ენათმეცნიერი გიორგი გოგოლაშვილი, ჟურნალისტი იოსებ ჭუმბურიძე და ისტორიკოსი გიორგი კალანდია მიიღებენ მონაწილეობას.
მსგავსი სიახლეები
კომენტარი