შსს-მ დაადასტურა, რომ თენგიზ გუნავას იარაღი და ნარკოტიკი ჩაუდეს
შს სამინისტრომ დაადასტურა, რომ ამავე უწყების გენერალური ინსპექციის ყოფილი უფროსის მიმართ წაყენებული ბრალდება ფალსიფიცირებული იყო, რომ თენგიზ გუნავას იარაღი და ნარკოტიკი ჩაუდეს.
შსს-ს ცნობით გენერალურმა ინსპექციამ დაასრულა სამსახურეობრივი შემოწმება თენგიზ გუნავას დაკავების თაობაზე.
გენერალური ინსპექციის დასკვნის საფუძველზე, მინისტრმა მიიღო გადაწყვეტილება და დაკავებული თანამდებობებიდან გაათავისუფლა ცენტრალური კრიმინალური პოლიციის დეპარტამენტის 5 თანამშრომელი.
ამავე საკითხზე გამოძიებას აწარმოებს საქართველოს იუსტიციის სამინისტროს გენერალური ინსპექცია. დამატებითი ინფორმაცია ამ საქმესთან დაკავშირებით საზოგადოებისთვის ცნობილი გახდება გამოძიების დასრულების შემდეგ, - ნათქვამია განცხადებაში, რომელიც უწყებამ რამდენიმე წუთის წინ გაავრცელა.
მსგავსი სიახლეები
კომენტარი