ავტოსაგზაო შემთხვევა ჩხოროწყუში - გარდაცვლილია მამაკაცი

მსხვერპლით დასრულდა ავტოსაგზაო შემთხვევა ჩხოროწყუში. ჩხოროწყუ-მუხურის გზაზე, ლეგახარიეს მონაკვეთზე მსუბუქი ავტომობილი მოსრიალდა, ბორდიურს შეეჯახა და ხრამში გადავარდა.

შემთხვევისას მანქანაში სოფელ ხაბუმეს მკვიდრი ძმები იმყოფებოდნენ. ერთ-ერთი მამაკაცი ადგილზე გარდაიცვალა, მეორე კი ჩხოროწყუს საავადმყოფოშია გადაყვანილი. ექიმების განმარტებით, დაშავებულის სიცოცხლეს საფრთხე არ ემუქრება.

შინაგან საქმეთა სამინისტროს ინფორმაციით, გამოძიება ტრანსპორტის მოძრაობის უსაფრთხოების ან ექსპლუატაციის წესის დარღვევის მუხლით მიმდინარეობს.

კომენტარი