სარეკლამო ადგილი - 1
720 x 85

ცნობილი და მონატრებული ჰიტები გრუვსონიქსისთან ერთად

”ჰით ბათუმი 2015” გრძელდება. ზღვისპირა ქალაქმა გრუვსონიქსის უმასპინძლა. ბათუმელებსა და დამსვენებლებს ჯგუფმა ცნობილი და მონატრებული ჰიტები წარუდგინა, კონცერტის ბოლოს მუსიკოსებმა მსმენელიც კი აამღერეს. ბათუმის ჩოგბურთის კორტებზე ყველაზე ხმაურიანი, მხიარული, ენერგიული და დაუვიწყარი საღამო შედგა. საქართველოში ეს მათი პირველი კონცერტი ნამდვილად არ არის, თუმცა ბათუმს პირველად ეწვივნენ.

გრუვსონიქსიმ ცოცხალი მუსიკა იშვიათი ვირტუოზობით შეასრულა, დაუკრეს როკი, ფანკი, ერთმანეთში არიეს კლასიკური ფავორიტები, თანამედროვე ჩარტების ჰიტები, და საოცარ მელოდიებად გადააქციეს. ასეთი კრეატიული კროს-ჟანრული წყობებით მათ მოსულ მსმენელს კიდევ მეტი ენერგია შემატეს, რაც კონცერტის დასრულებამდე არ განელებულა.

ჯგუფის მონაწილეები საერთაშორისოდ ცნობილი „ჯემიროქვაის“ მოქმედი წევრები და სპეციალურად მოწვეული ბრიტანელი მომღერლები არიან. ისინი ყველაზე დიდ საკონცერტო სცენებსა და ტურებზე მონაწილეობენ და პლატინუმ დონის ალბომებს წერენ. სიმღერებს ასრულებენ, როგორც ჯემიროქვაის, ასევე სხვა ცნობილ შემსრულებელთან ერთად, როგორებიც არიან ენი ლენოქსი, ტინა ტერნერი, ჯორჯ მაიკლი, რობი უილიამსი და კაილი მინოუგი. ასევე მონაწილეობდნენ F1-ის, ჰარლი-დევიდსონის, მარსის და შანელის კორპორატიულ ღონისძიებებში.

პროექტი „ჰით ბათუმი“ 11 კვირისგან შედგება და თოთოეული კვირა სხვადასხვა მიმართულების არტს მოიცავს. მრავლფეროვანი პროგრამა გათვლილია ყველა თაობისა და გემოვნების ადამიანისთვის. შესაბამისად, დამსვენებლებს შესაძლებლობა აქვთ, საკუთარი ინტერესებიდან გამომდინარე, დაგეგმონ ბათუმში დასვენებისა და გართობის დღეები.

„ჰით ბათუმის“ ფარგლებში, 2 თვის განმავლობაში დაგეგმილია 200-ზე მეტი ღონისძიება, ამ პერიოდის განმავლობაში ბათუმს 20-მდექვეყნიდან 259 უცხოელი არტისტი სტუმრობს. ღონისძებაში ჩართულია 50 ორგანიზაცია და 2000-მდე მონაწილე.

„ჰით ბათუმი 2015“ წარმოადგენს ბათუმის საზაფხულო სეზონის სპეციალურ პროექტს, რომელიც თავის თავში მოიცავს 2 თვიანი პერიოდის განმავლობაში სხვადასხვა მიმართულების ფესტივალებისა და გასართობი ღონისძიებების ჩატარებას უწყვეტ რეჟიმში. 6 ივლისიდან 15 სექტემბრამდე, ყოველ კვირას, ბათუმში ჩატარდება განსხვავებული ტიპის ივენთები, რომლის კომუნიკაციაც მოხდება ერთიანი ქოლგის ქვეშ, სახელწოდებით „ჰით ბათუმი“.

პროექტის განმახორციელებელია ბათუმის მერია და საკრებულო, ასევე მის განხორციელებაში ჩართულები არიან კულტურისა და ძეგლთა დაცვის სამინისტრო და მისი სსიპი „კულტურის განვითარების საინვესტიციო ფონდი“, ტურიზმის ეროვნული ადმინისტრაცია და აჭარის ტურიზმის დეპარტამენტი. პროექტიჰით ბათუმისახელმწიფო პროექტს წარმოადგენს, რომლის მიზანია ერთის მხრივ აჭარის ტურისტული პოტენციალის, ხოლო მეორეს მხრივ მთლიანად ქვეყნის პრომოუშენი გარე და შიდა აუდიტორიაში.

კომენტარი

სარეკლამო ადგილი - 101
100 x 100