თეა წულუკიანი გამოძიების მხრიდან პრეზიდენტით დაინტერესებაზე მიანიშნებს
„მაესტროს“ ეთერში, გადაცემა „პოლიტმეტრში“ სტუმრობის დროს საქართველოს იუსტიციის მინისტრმა რამდენიმე საკითხზე გაამახვილა ყურადღება:
მან არ გამორიცხა, რომ რამდენიმე საქმეში, შესაძლოა, ზურაბ ადეიშვილის ბრალეულობაც გამოიკვეთოს;
ჯერჯერობით ნაადრევად მიიჩნია ვანო მერაბიშვილის ბრალეულობაზე საუბარი;
შაშკინზე მუშაობა არ მიმდინარეობს, თუმცა, უამრავი ინფორმაციაა შემოსული;
ბაჩო ახალაია დაკითხვისას მესიჯობდა, ამიტომაც დააკავეს გენერალი კალანდაძე - შესაძლოა, ახალაია მას წერდა და ის მიმალულიყო.
ბოლო ეპიზოდის ლოგიკა, როგორც გაერთიანებული შტაბის ხელმძღვანელის დაკავების მიზეზი, ნამდვილად საინტერესოა, მაგრამ უფრო საინტერესოა იმ შეკითხვაზე პასუხი, რომელიც წულუკიანს პრეზიდენტთან მიმართებაში დაუსვეს:
გადაცემის წამყვანმა იკითხა, რამდენად შესაძლებელია, რომელიმე საქმის მიხედვით სამართალდამცველები საქართველოს პრეზიდენტითაც დაინტერესდნენ, წულუკიანმა ამ შეკითხვას ასე უპასუხა:
"პრეზიდენტზე, გამომდინარე იქიდან, რომ ქვეყნის გარეთ ბრძანდება, ამ ეტაპზე საუბრისგან თავს შევიკავებ. არ მინდა, რაიმე ტიპის გამონათქვამი მუქარად აღიქვას. მსურს, რომ დაბრუნდეს ქვეყანაში."
მსგავსი სიახლეები
კომენტარი