მედია-ჰოლდინგი "დრონი.ჯი"   MEDIA HOLDING "DRONI.GE"
რეკლამა Droni.ge-ზე, სპეციალური ფასები: 599 877 901
სარეკლამო ბანერების ფასები
სარეკლამო ადგილი - 37
560 x 100
 კალენდარი
ორშ სამშ ოთხ ხუთ პარ შაბ კვ
1234567
891011121314
15161718192021
22232425262728
2930311234
ბლოგები
ნა­ხე­ვარ­ქ­ვე­ყა­ნა
ახლა კითხულობენ

"უტვინო, კრეტინი, შევარდნაძის ლეკვი..." - სიტყვიერი დაპირისპირება და წარსულის გახსენება პარლამენტში დეპუტატებს შორის  

„ქართული ოპოზიცია არ არსებობს, არსებობს ქართული აგენტურა“  

რუსლან გაჯიევი სოფელ ყაჩაღანში ახალგაზრდებს შეხვდა  

შინაგან საქმეთა მინისტრი ოფიციალური ვიზიტით ლატვიის რესპუბლიკაში გაემგზავრა  

ე.წ. კანონიერ ქურდებთან არეულობის დაგეგმვის გამო გოგა ხაინდრავა დაკითხვაზე უკვე დაიბარეს  

მიხეილ სააკაშვილის კომენტარი სანდრა რულოვსის გულახდილ ინტერვიუსთან დაკავშირებით 

საბედისწერო რიცხვი "13" დიდი კომპოზიტორის ვაგნერის ცხოვრებაში 

მსოფლიოს 5 ყველაზე მდიდარი და ბიზნესში წარმატებული ქალი 

„თეგეტა მოტორსმა“ ჰაკათონის გამარჯვებული გუნდი დააჯილდოვა 

„თეგეტა მოტორსი“ VARTA-ს ბრენდის აკუმულატორების ყველაზე დიდ არჩევანს გთავზობთ 

„თეგეტა მოტორსი“ ,,HUNTER”-ის ბრენდის ექსკლუზიური დილერი გახდა საქართველოში 
გიორგი კაპანაძე: ენმ-ის 4 მთავარი შეცდომა...
გიორგი კაპანაძე
თამარ ნინიძე
11:42 08.11.2016

„ნებისმიერი მინიშნება, ქვეტექსტი, განცხადება იმის შესახებ რომ მოქმედი ლიდერები ქართულ ოცნებას გაურიგდნენ, არის აშკარა ცილისწამება და 500 ათასი ამომრჩევლის შეურაცხყოფა.

ამავე დროს, გაუგებარია საქმეების გარჩევა მხარდამჭერთა თუნდაც რადიკალურ ნაწილთან, რადგან მათ შორის სწორედ ასეთი ამომრჩევლის წყალობით მიიღეს საპარლამენტო მანდატი იმ ლიდერებმა, რომლებმაც პოლიტსაბჭოს ცნობილ განცხადებას დაუჭირეს მხარი“, - აცხადებს კავკასიის ინტერნეტ მედია ჯგუფის დირექტორი, გიორგი კაპანაძე და ენმ-ის 4 ძირითად შეცდომაზე ამახვილებს ყურადღებას.

droni.ge: რა შეცდომები დაუშვა ნაციონალურმა მოძრაობამ?

გიორგი კაპანაძე: ჩემი აზრით, ნაციონალურ მოძრაობაში, ძირითადად 4 მთავარი შეცდომა დაუშვეს.

1. ვერ შეძლეს მტკიცებულებების შეგროვება იმის შესახებ რომ არჩევნები გაყალბდა. არადა, თანამედროვე ტექნოლოგიები, ამის შესაძლებლობას იძლევა (გამონაკლისი იყო ლევან ვარშალომიძე, რომელმაც აჭარაში მომხდარი კონკრეტული ფაქტები წარმოადგინა).

ენმ-ის ლიდერები საუბრობდნენ არჩევნების შედეგების გაყალბებაზე. თუმცა, მათგან განსხვავებით, ყველა გავლენიანი საერთაშორისო ორგანიზაცია, რომელსაც დამკვირვებლები ჰყავდა 8 ოქტომბრის საპარლამენტო არჩევნებზე, აცხადებდა რომ არჩევნების შედეგები გამოხატავს ამომრჩეველთა ნებას.

ჩვენი ქვეყნის მთავარმა პარტნიორმა, ამერიკის შეერთებულმა შტატებმა კი, საქართველოს დემოკრატიული არჩევნების ჩატარება მიულოცა, თუმცა, ცხადია, არ გამორჩენია ძალადობის იზოლირებული ფაქტები, რომელიც არჩევნების საერთო შედეგს ვერ ცვლიდა.

2. მიუხედავად იმისა რომ მთავარ ოპოზიციურ ძალას ჰქონდა კარგი და რეალისტური წინასაარჩევნო პროგრამა და ახორციელებდა „კარდაკარის“ უნიკალურ პროექტს, ენმ-მ როგორც ჩანს, მაინც ვერ მოახერხა ნათლად, გასაგებად აეხსნა საკუთარი გეგმები და პირველ რიგში, ე.წ. „გადაუწყვეტელი ამომრჩეველი“ დაერწმუნებინა თავის უპირატესობაში.

ენმ არ აწარმოებდა საკმარის პიარსა და სარეკლამო კამპანიას, შესაძლოა მწირი ფინანსური რესურსების გამო. ამ თვალსაზრისით, მას შესამჩნევი და „ჩავარდნა“ ჰქონდა.

3. ნაციონალური მოძრაობის გამორჩეული ლიდერის, დავით ბაქრაძის ზოგადი განცხადებების მიუხედავად, მთავარმა ოპოზიციურმა ძალამ ვერ გააქარწყლა ამომრჩეველთა ნაწილის თუნდაც უსაფუძვლო შიში მოსალოდნელი ძალადობისა თუ შურისძიების თაობაზე, რაც ენმ-ს საშუალებას მისცემდა მიემხრო ქართული ოცნებისგან განხიბლული ამომრჩეველი.

4. ენმ-ის ლიდერებმა ვერც საკუთარი თავი მოამზადეს არჩევნების შემდგომი პერიოდისათვის და ვერც - თავიანთი მხარდამჭერები.

ენმ-ს არ ჰქონდა არანაირი სტრატეგია, გეგმა, თუ როგორ იმოქმედებდნენ არჩევნების შემდეგ. ვნახეთ სპონტანური აქცია ცესკოსთან, მოვისმინეთ მუქარაც, თუმცა, მას განვითარება არ მოჰყოლია...

რა თქმა უნდა, შეცდომებს ყველა უშვებს, პირველ რიგში კი ის, ვინც მოქმედებს. შეცდომებისგან ვერ იქნებოდა დაზღვეული ენმ-ის დღევანდელი მენეჯმენტიც, მაგრამ ჩემი აზრით, ეს იყო ის ძირითადი ფაქტორები, რომლებმაც დიდწილად არსებული შედეგი განაპირობა.

- არჩევნების შემდეგ მთავარ ოპოზიციურ ძალაში თავმჯდომარის ჩანაცვლების საკითხი დადგა. თბილისის ყოფილმა მერმა, გიგი უგულავამ ამის აუცილებლობა პირველმა გაახმოვანა...

- ნაციონალური მოძრაობის შემთხვევაში, პარტიის თავმჯდომარეს, პირველ რიგში, სიმბოლური დატვირთვა აქვს.

მას შემდეგ , რაც მიხეილ სააკაშვილს საქართველოს მოქალაქეობა ჩამოართვეს, თავმჯდომარის პოზიცია ავტომატურად ვაკანტური გახდა, რადგან ჩვენი კანონმდებლობის შესაბამისად, ამა თუ იმ პარტიის ხელმძღვანელი უცხო ქვეყნის მოქალაქე ვერ იქნება.

თავის დროზე, ნაციონალური მოძრაობის პოლიტსაბჭომ მიიღო გადაწყვეტილება რომ ახალი თავმჯდომარის არჩევის საკითხი არ განეხილა, რადგან გაითვალისწინეს ის ფაქტი რომ სააკაშვილი მისი ნების საწინააღმდეგოდ არ იმყოფება საქართველოში...

ამიტომ, ჩემი აზრით, თავმჯდომარის არჩევა, დღეს უკვე მორალური საკითხია. თუ ენმ-ი თვლის რომ მორალურ ფაქტორთან შედარებით, უპირატესი პოლიტიკური კონიუნქტურაა, მაშინ, ახალი თავმჯდომარე უნდა აირჩიოს.

ამავე დროს, ნებისმიერი მინიშნება, ქვეტექსტი, განცხადება იმის შესახებ რომ მოქმედი ლიდერები ქართულ ოცნებას გაურიგდნენ, არის აშკარა ცილისწამება და 500 ათასი ამომრჩევლის შეურაცხყოფა.

- მიუხედავად ამისა, თავმჯდომარის არჩევის საკითხმა ხმაურიანი დისკუსია გამოიწვია... პოლიტსაბჭომ გაავრცელა განცხადება, სადაც ფაქტობრივად, ისეთ ამომრჩეველს გაემიჯნა, რომელიც ლიდერთა ნაწილის ხელისუფლებასთან გარიგებაზე საუბრობდა...

- რა თქმა უნდა, ძნელია აიტანო ცილისწამება და მინიშნება გარიგებაზე მაშინ, როდესაც ამის საფუძველი არ არსებობს. ცინიზმია ხელისუფლებასთან გარიგება დააბრალო ადამიანს, რომელიც ციხეში ზის.

ამავე დროს, გაუგებარია საქმეების გარჩევა მხარდამჭერთა თუნდაც რადიკალურ ნაწილთან, რადგან იმ ამომრჩეველმა, რომელსაც ლიდერები ასე ხელაღებით გაემიჯნენ, ენმ-ს მისცა ხმა.

მათ შორის ასეთი ამომრჩევლის წყალობით მიიღეს საპარლამენტო მანდატი იმ ლიდერებმაც, რომლებმაც პოლიტსაბჭოს ცნობილ განცხადებას დაუჭირეს მხარი.

www.droni.ge
ქართული კლავიატურა
მედია-ჰოლდინგი "დრონი.ჯი"
MEDIA HOLDING "DRONI.GE"
info@presa.ge
ტელ.: (+995 32) 2-000-247
599 877-901
სარეკლამო ბანერების ფასები
მთავარი | პოლიტიკა | ეკონომიკა | საზოგადოება | სპორტი | ხელოვნება | Yellow Page | დაიჯესტი | ვიდეო | Facebook სიახლეები | სამხედრო | რჩევები | გურმანი | კრიმინალი | მეცნიერება | პერსონა | ავტო| ვალუტა | ამინდი
სარეკლამო ადგილი - 101
100 x 100