დავით ნარმანიამ „საეა“-ს პროგრამის 3 მიმართულება გააცნო
„თბილისი - რეგიონის ცენტრი; თბილისი სოლიდარული ქალაქი და თბილისის - ჯანსაღი ქალაქი” ეს ის სამი ძირითადი მიმართულებაა, რომელზეც დგას ჩვენი პროგრამა და მათი მიღწევა არის თბილისის მთავრობაში ჩვენი მოსვლის მიზანი” - განაცხადა კოალიცია „ქართული ოცნების“ თბილისის მერობის კანდიდატმა დავით ნარმანიამ „საქართველოს ახალგაზრდა ეკონომისტთა ასოციაციის“ წევრებთან შეხვედრაზე.
დავით ნარმანიას განცხადებით, „თბილისს ეყოლება გამჭვირვალე, ანგარიშვალდებული და ადამიანზე ორიენტირებული მთავრობა, შევქმნით საზოგადოებრივ საბჭოებს და მერია მნიშვნელოვან გადაწყვეტილებებს მხოლოდ მათთან კონსულტაციის შედეგად მიიღებს.“ მისივე თქმით, მცირე და საშუალო ბიზნესის ხელშეწყობის მიზნით, მერია გამოყოფს 100 მილიონ ლარს, ხელს შეუწყობს უცხოური ინვესტიციების მოზიდვასა და საქართველოში წარმოებული პროდუქციის უცხოურ ბაზარზე გატანას.
მსგავსი სიახლეები
კომენტარი